Wefti Ka Socda WADDANI Oo Tagay Norway

0
Wefti Ka Socda WADDANI Oo Tagay Norway

Wefti Ka Socda WADDANI Oo Tagay Norway

Wefti uu hoggaaminayo xoghayaha guud ee xisbiga WADDANI mudane Khadar Xuseen Cabdi oo ay weheliyaan xoghayaha arrimaha dibadda xisbiga Marwo Faadumo Siciid Ibraahim, afhayeenka qaarada Yurub ee xisbiga mudane Qaasim Aadan Saleebaan iyo xoghayaha qaaradda Yurub ee xisbiga mudane Maxamed Carab Wacays ayaa maanta (Axad 21, April, 2019) ka ambabaxay magaalada London ee dalka Ingiriiska.

Masuuliyiintan xisbiga WADDANI ayaa u dhoofay dalka Norway oo ay kaga qayb gelayaan shirweyne uu xisbiga WADDANI ku qabsanayo magaalada Oslo ee dalka Norway.

Weftiga ayaa inta ay joogaan Norway waxay kulamo la qaadan doonaan jaaliyadda reer Somaliland ee ku nool dalka Norway. Waxa kale oo ay kulamo khaasa la yeelan doonaan xubno ka mida dawladda Norway iyo hay’adaha wada shaqaynta la leh Somaliland.

Xoghayaha guud ee xisbiga WADDANI Khadar Xuseen Cabdi iyo Xoghayaha arrimaha dibadda Marwo Faadumo Siciid ayaa todobaadadii u dambeeyay joogay dalka Ingiriiska oo ay kulamo kala duwan kula qaateen jaaliyadda Somaliland, taageerayaasha xisbiga WADDANI iyo masuuliyiin ka tirsan dawladda Ingiriiska.

Comments

comments

Leave a Reply

This site uses Akismet to reduce spam. Learn how your comment data is processed.