“Waan Bogsan Karaa!!” Aisha Mohamed Abdirahmaan

0

Waan kabo la’ahay, waan qaawanahay, waan gaajaysanahay, dadkuna dhamaan ima ixtiraamaan. Markay I arkaan way iga baydhaan iyaga oo muujinaya takoor iyo weji adag oo cabsi kujirto, marka lagu daro kuwa ehelkayga ah ee iigu dhaw. Way ijidhdiidaan dadku marba-marka ka dambaysana waan ka fiiga oo ka cararaa meesha ay joogaan. Ima karto cadceedu iyo gaajadu, kama hoydo dhaxanta balse jidhkaygu wuu dareemayaa. Qalbigu wuu ooyayaa, waxaan la noolahay bulsho damiirka iyo ruuxda ka dhimatay. Naxariisna aan siin dadka liita.

Waxaan naafo ka ahay qalbiga iyo maskaxda oo ah xubnaha ugu xun ee qof bini’aadam ahi kanaafoobo. Dawlada iyo dadweynuhu ima daryeelaan. Waxaa dhacda marmarka qaar in aan meydkayga la’aasin oo ay dugaagu cunaan, laakiinse waxaan leeyahay xaqa qofkasta oo bini’aadam ahi leeyahay, waan waalanahay laakiin waan bogsan karaa. Dhamaan dadka waalanina waxay kamidyihiin bulshada. Hadii ladaweyn lahaa qaybay ka noqon lahaayeen hormarka iyo waxtarka bulshada.mas’uuliyada dadka waalani waxay saarantahay dhamaan qaybaha kala duwan ee bulshada oo ay ugu horayso dawladda iyo culimadu

 

By:Aisha Mohamed Abdirahmaan

Email: nawaalmaxamed@hotmail.com

Comments

comments

Leave a Reply

This site uses Akismet to reduce spam. Learn how your comment data is processed.