Prof. Axmed Ismaciil Samatar Oo Kulankiisi Ugu Horeeyay Intu Xisbiga Ku Biiray Ku Kaliyaystay Xubno KULMIYE Ku Kooban Iyo Wayitaanka Jamahiirti Maalmo Ka Hor U Soo Xaadirijiray.

0

Hargaysa(Sayruuq)- Prof Axmed Ismaciil Samatar oo ah aqoonyahan muddo dheer culuumta kala duwan ee maadiga ah ka dhigaayay Jaamacadaha Maraykanka, ayaa tan iyo wixii ka danbeeyay badhtamihii sannadkii 2013, oo ahayd markii uu badalay mawqifkiisi Soomaaliweyn, wuxuu si joogto ah u imanaayay waddanka Jamhuuriyadda Somaliland, tan iyo muddadaas Prof. Axmed Ismaciil Samatar kulamada uu ku qabto Caasimada Hargaysa iyo Gobolada dalkaba waxay ahayeen kuwo camiran oo ay cid kastaa u soo buuxiso,  iyadoo dhalinyaradda Jaamacadaha iyo aqoonyahanka dalkuba ay si midaysan uga soo muuqan jireen kulamadaas.

 

Balse Prof. Axmed Ismaciil Samatar oo Salaasadii todobaadkan Magaalada Boorame kaga biiray Xisbiga talada Somaliland haya ee KULMIYE, ayaa kulan kiisi ugu horeeyay ee uu dad uruursan la qaato wuxuu ku kaliyaystay xubno kooban oo Xisbiga KULMIYE ka tirsan, kulankaas oo ka dhacay Huteelka Hiddo Dhawr, waxa siweyn uga muuqanaayay cidlaynta u bilaabantay Prof. Axmed Ismaciil Samatar, iyadoo cida kaliya ee la hubo inay u soo camiri doonaan Muxadirooyinkiisa danbe ay noqon doonaan Tagerayaasha Xisbiga KULMIYE.

 

In kasta oo kulanka uu Hiddo Dhawr kula qaatay xubnahaasi noqon karo mid sii ballansana ama intaasba lagu soo koobay, hadana marnaba may dhacdeen Prof. Samatar oo goob dhaqanka caan ku ah, isagoo goob joog ku ah inay ku kali noqdaan xubno kooban oo hal Xisbi uun ka tirsani, waxayna tani sii ishaaraysa inuu Samatar maca salameeyay dhagaysataal badan oo wakhtigooda siin jiray si ay u dhagaystaan.

Comments

comments

Leave a Reply

This site uses Akismet to reduce spam. Learn how your comment data is processed.