Magacyada Xubno Ka Mid Ah 26 Qof Ee Loo Xidhay Weerarkii Badhasaabka Awdal

0

Booraama(Sayruuq)- Ciidamada ammaanka Somaliland ayaa subaxnimadii hore ee shalay magaalada Borama ku xidhay maayarkii hore ee Borama Saleban Xasan Xadi iyo ganacsato kale.

 

Dadkan ayaa lagu xidhiidhiyay weerarkii  habeen hore lagu qaaday guriga badhasaabka gobalka Awdal oo ay xukuumadu ku eedaysay inuu ka dambeeyay Suldaan Wabarka duurka ku jira iyo kooxdiisa hubaysani. Weerarkaas ayaa lagu dilay laba ka mid ah ilaalada badhasaabka, halka laba kalena lagu dhaawacay.

 

Dadka la soo xidhay oo ka kooban 26 xubnood, loona soo dhaadhiciyay caasimadda Hargeysa, ayaa waxa ka mid ah.

 

Maayarkii hore ee Borama Saleban Xasan Xadi

 

Cabdillaahi Maxamuud Dumaar oo ah ganacsade jaadka iibiya

 

Idiris Aadan oo ah mulkiilaha shirkadda sarifka ee Al-najax

 

Caaqil Axmed Kaahin

 

Cabdiraxmaan Aw-gaab, guddoomiye-xigeenka Telesom, Awdal

 

Geesta kale, inta la ogyahay wiil dhallinyaro ah ayaa ku geeriyooday rasaas ay ciidamada Boolisku shalay ku fureen koox dhallinyaro ah oo buuq ka horsameeyay garoonka kubadda cagta oo ay ku ciyaarayeel gobalada Selel iyo Gabiley. Waxa kale oo rasaastaas la sheegay inay ku dhaawacmeen laba ruux oo kale.

Source-Geeska

 

Comments

comments

Leave a Reply

This site uses Akismet to reduce spam. Learn how your comment data is processed.