Ingiriiska Oo Ka Hadlay Khilaafka Somaliland & Somalia

0
Ingiriiska Oo Ka Hadlay Khilaafka Somaliland & Somalia

Ingiriiska Oo Ka Hadlay Khilaafka Somaliland & Somalia

Dawladda Ingiriiska ayaa sheegtay inay taageersantahay wada hadal dhisan oo dhex mara Hargeysa iyo Muqdisho, islamarkaana ay taageerayso talaabooyinka lagu dhisayo kalsoonida u dhaxaysa labada dawladood.

Xildhibaan Michael Ancram oo ka tirsan Baarlamaanka ayaa Wasiirul dawlaha arrimaha dibadda iyo dalalka barwaaqo sooranka Ingiriiska Ahmad Wimbledon, wuxuu toddobaadkan Baarlamaanka Ingiriiska ku weydiiyay doorka uu Ingiriisku kaga jiro sidii dib loogu furi lahaa wada hadal lagu dhisayo kalsoonida Somaliland iyo Soomaaliya, waxaanu Wasiir Ahmad Wimbledon ku jawaabay “Ingiriisku wuxuu soo dhawaynayaa talaabooyinka lagu dhisayo kalsoonida maamulada Hargeysa iyo Muqdisho, waana u diyaar inuu taageero geedi socodka wada hadal dhisan. Ingiriisku wuxuu weli qabaa inay Somaliland iyo Soomaaliya u taalo inay ku heshiiyaan qorsheyaal kasta oo cusub, waxaanay u taalaa wadamada jaarka ee gobalka inay horseed ka noqdaan aqoonsigooda.

Masuuliyiinta Ingiriisku waxay ku biireen tiro kale oo saaxiibada caalamiga ah iyo xubno ka kala socday Muqdisho iyo Hargeysa oo dhawaan kulan aan toos ahayn ay xarunta Centre for Humanitarian Dialogue ugu qabatay Nayrobi bishii June, kaas oo uu ujeedadiisu ahayd in lagu dhiirigeliyo hore u socod.

Geeska Afrika

Comments

comments

Leave a Reply

This site uses Akismet to reduce spam. Learn how your comment data is processed.