Wasiirka Arrimaha Dibadda  Somaliland Oo Xafiiskiisa Ku Qaabiley Wefti Ka Socda Dalka Suudaan

0
54 views

Hargeysa(Sayruuq)-Wasiirka Khaaraji Jamhuuriyada Somaliland Md Maxamed Biixi Yoonis, ayaa maanta xafiiskiisa ku qaabilay wefti iskugu jira Madaxdhaqameed, Culimo awdiin iyo Siyaasiyiin ka socda Dalka Suudaan. Wasiirku waxa uu sheegay inay weftigu u socdeen sii xoojinta xidhiidh taariikhi ah oo Somaliland iyo Suudaan ka dhexeeya.

Wasiir Biixo Ayaa sheegay in dalka sudan ee aynu walaalanahay yahay mid xoojin doona Cilaaqadka iyo wada xidhiidhka labadda dal “Waxaanu halkan aad iyo aad ugu soo dhaweynaynaa Wefti balaadhan oo ka socda Suudaan oo ah waddan aynu walaalo nahay oo Cilaaqaad wanaagsan inaga dhexeeyo, dadkeena intii u horaysay ee waxbaratayna tacliinta Suudaan ayay ka baratay, aniguna aan imbadan ka shaqaynayay Suudaan.
Dadka Maanta inoo yimid ayaa kala ah la taliyeyaal Ra’isal wasaare, kuwa Madaxweynaha, Culimo awdiin,Suldaano iyo dad kala gedisan oo inoogu yimid sidii ay labada dal Cilaaqaadkooda iskugu soo dhaweyn lahaayeen, aad iyo aadna waan ugu mahadnaqayaa Weftiga halkan inoogu yimid.waxaanu leenahay soo dhawaada, wadanku waa wadankiinii, waxaynu nahay laba wadan oo walaalo ah oo cilaaqaad taariikhi ah leh” ayuu yidhi Wasiir Maxamed Biixi Yoonis

Comments

comments

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.