Wasiir Amray Inaan Saxaafadda La Siin War Aanu Ogayn

0
95 views
Wasiir Amray Inaan Saxaafadda La Siin War Aanu Ogayn

Wasiir Amray Inaan Saxaafadda La Siin War Aanu Ogayn

Wasiirka horumarinta Caafimaadka Dr. Xasan Ismaaciil Yuusuf, ayaa shaqaalaha wasaaradiisa dul dhigay amar ah inaanay saxaafadda la hadli karin iyagoon amar ka haysan isaga.

Dr. Xasan, ayaa qoraal uu shaqaalaha wasaaradda caafimaadka u gudbiyay oo uu soo saaray 7/2/2018, islamarkaana uu ogaysiin siiyay wasiir-xigeenka iyo agaasimaha guud, wuxuu shaqaalaha ku amray inay fuliyaan amarkiisa. Warqadda oo aan saxaafadda loogu tallo gelin balse uu Geeska Afrika helay nuqul ka mid ah oo uu ku saxeexanyahay wasiir Xasan Ismaaciil Yuusuf ayaa u dhignayd sidan: “Waxa dhamaan shaqaalaha wasaaradda horumarinta caafimaadka ku wargelinayaa in qofna aanu ka hadli karin saxaafadda isaga oo aan ogolaansho ka haysan wasiirka wasaaradda horumarinta caafimaadka.

Haddaba dhamaan shaqaalaha waxaan ku amrayaa laga bilaabo maanta oo ah 7/2/2018 in aanay ka hadlin saxaafadda ogolaansho la’aanteed.”

Lama garan karo sababta uu wasiirka caafimaadka Dr. Xasan u soo saaray go’aanka noocan ah ee uu shaqaalaha kala duwan ee wasaaradda uga mamnuucay inay saxaafadda la hadli karaan iyadoon isaga mooyee cid kale laga amar qaadan karin.

Wasiirka ayaa xilli uu madaxweyne Muuse wasaaraddiisa bookhday waxa uu sheegay in aanay shaqadooda si fiican u qabsan Karin arrintaas oo u muuqatay dhalliil uu u jeedinayo shaqaalaha iyo madaxda wasaaradda hase ahaatee lama xaqiijin karo in uu jiro khilaaf maamul waxaana hore u dhacday in shaqaalaha wasaaradda albaabka laga xidho iyada oo lagu haysto in ay wakhtiga ilaalin waayeen.

Geeska Afrika

Comments

comments

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.