Wasiika Madaxtooyada Xirsi Oo Golaha Wakiilada U Sharaxay Xeer Nidaamiyaha Xukumadda

0
52 views

Hargeysa(Sayruuq)-Wasiirka Madaxtooyada Somaliland Xirsi Cali Xaaji Xasan, ayaa Mudanayaasha Wakiilada faahfaahin ka siiyay Xeerka Nidaamka Xukumadda oo Madaxweyne Siilaanyo dhawaan u gudbiyay Golaha wakiilada.
Wasiir Xirsi waxa uu sheegay in Xeerkani wax badan ka tarayo habsami u socodka Hawlaha maamulka Dawladda iyo kala xadaynta waajibaadka qaybaha xukumadda islamarkaana uu maamul wanaag u horseedi doono.
Wasiir Xirsi oo ka hadlay sida uu Xeerkani u qaabanaynayo Haykalka Dawladnimo waxa uu yidhi “Hogaanka guud ee qaabaynta iyo jaangooynta siyaasada “ Policy and Dicision Makers”,
Maamulka, maaraynta xafiisyada iyo shaqada xukuumada “Administaration of Public Service” iyo
Adeeg bixinta bulshada “Direct Public Service Providers”
Wasiirku waxa uu sidoo kale sharaxay U jeedada Xeerkan loo aasaasay waxaanu yidhi “Dadjinta sharci saldhig u ah aasaasidda hay’addaha xukuumadda dhexe ,Xaddidaada xilka, waajibaadka, awoodaha iyo shaqada hay’addaha xukuumada dhexe, Kala xadaynta hawlaha iyo xilalka laamaha xukuumaddda dhexe iyo isku xidhkooda ,In la gaadho tayayn dhamaystiran oo la xidhiidha guud ahaan waxbqadka xukuumada ,In la xaqiijiyo habsami u socodka adeegyada bulshada ,In si cad loo iftiimiyo, lana dhaqan geliyo, xadka u dhexeeya xilalka maamul iyo siyaasadeed ee haga, gaadhsiiyana adeegyadda aasaasiga ah qaybaheeda kala duwan ee bulshada”
Wasiirka Madaxtooyada ayaa Golaha wakiilada ka codsaday in xeerkan la ansixiyo. Waxa uu sidoo kale u soo jeediyay golaha inay ansixiyaan Xeerarka diwaan galinta oo ahmiyad u leh qabsoomida doorashada.
Sayruuq.com
Hargeysa/Somaliland

Comments

comments

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.