Home Somali News Wariye Amina Mussa oo Xadgudubyadii uu kula kacay Yusuf Garaad ka qortay iyo qormo ay u bixisay “Anniga iyo Yuusuf”

Wariye Amina Mussa oo Xadgudubyadii uu kula kacay Yusuf Garaad ka qortay iyo qormo ay u bixisay “Anniga iyo Yuusuf”

5 min read
0
0
1,821

Wariyahii BBC Somali Amina Mussa Weheliye ayaa warbixintii ugu calool xumadda badneed ka qortay xadgudubyadii Yusuf Garaad kula kacay xilligii uu ahaay madaxa BBC Somali laakiin waxaad ka akhrisan kartaa halkaan :-

ANIGA IYO YUUSUF:

Hor-dhac (Preview):
Ma garanaayo ilaa iyo hadda la joogo oo muddo dheeri ka soo wareegatay sababta uu ninkaasi igu maagay, mana garanaayo waxa aan ka bi’iyey, wuxuuse iigu xadgudbay si weyn, wuu i ciilay anigoo weliba ku nool dal aan la isku ciili karin oo sharcigu ku xoog badan yahay, malaha Soomaalinimadaan ugu turayee, malaha dumarnimadaa i nugleysiisay, malaha shaqada ha waayin baan is lahaaye, malaha dalkaagi dagaal baa halakeeyey shaqana kama jirto ee halkaan isku dhaji baan is lahaa, malaha caruur baad korsataaye ceyr ha mudan baan is lahaa, malaha, malaha, malaha ma garan karo sababta aan intaas oo dhibaato ah ugu dul qaatay, mudo sidaas u dheer.

Wuxuu igala dagaalay in aan horuumaro dhanka shaqadda, wuxuu geed dheer iyo geed gaaban u istaagay in aanan dallicin, wuxuu ku tuntay xuquuqda asaasiga ah ee shaqaalenimo, kaligeyna ma ahayne badanaa shaqaalihii kale oo ila shaqeynaayey ayuu ku wada xadgudbaayey, laakiin aniga teydu waxey ahayd maalin kasta, ma istaagto soo taagan oo aanu maalinna fasax ka qaadan, wuxuu noqday qofka ugu badan oo aan ka welwelo har iyo habeen muddo kow iyo toban sannadood ah oo uu madax ii ahaa.
Subaxdii markaan hurdada ka tooso oon shaqada isu diyaarinayo, waxaan la fekeri jiray bal waxa aan maanta kala kulmi doono, siduu iila dhaqmi doono, intaan shaqada u sii socdo oo aan trainka sii saaranahay, waxaan ka welweli jiray sida maalinteydu noqon doonto, markaan shaqada soo dhameeyo intaan aqalkeygii u sii safraayana waxaan ka ilmeyn jiray uurka iyo indhahaba wuxuu maalintaas igu sameeyey, siduu iila dhaqmay iyo siduu ii bahdilay.
Wixii i soo maray aniga iyo Ilaah iyo isaga igu gabood falay uun baa og, waase lama ilaawaan,waxaan xadgudbyada uu igula kacay ku mutay xanuun weyn, waxaana noqday dhibane aan cid difaaceysaahi jirin, ma hubo in aan cafin doono iyo in kale balse waxaan hubaa in aanan ilaawi doonin xasuusta mahadhada ah ee ay igu reebeen xadgudubyadaas uu igula kacay nin ka madax ah meel yar oo iskaba kooban, shaqaale aan ka badneyn gebigoodaba 20 qofoodna ka shaqeeyaan, waase mahadho taariikhi ah.

La soco qormooyin taxane ah oo ah qiso dhab ah oo aniga i qabsatay.




W/Q: Amina Muuse Weheliye.

Load More Related Articles
Load More By admin
Load More In Somali News

Leave a Reply

Your email address will not be published. Required fields are marked *

Check Also

Axkaamta Soonka – Casharka koowaad

RAMADAAN KARIIM – Dhammaan akhyaarta bar bulsheedkan. Sidii caadada ii ahayd waxa aa…