“Waa Sharci Darro Xil Ka Qaadistaydu,” Jaamac Shabeel

0
777 views
“Waa Sharci Darro Xil Ka Qaadistaydu,” Jaamac Shabeel

“Waa Sharci Darro Xil Ka Qaadistaydu,” Jaamac Shabeel
Hargeysa(Sayruuq) Jaamac Ismaaciil Cige(Shabeel) waxa uu BBC-da u sheegay in xilka qaadistiisu aanay sharci ahayn iyo in jagada guddoomiye ku xigeenka labaaad ee xisbiga Kulmiye ay bannaan tahay oo aan wali la dooran xisbiguna aanu ansixinba Axmed Cabdi Dheere, sidaas darteedna aanu sharci u lahayn in uu isugu yeedho xubnaha gudiga fulinta oo isla mar ahaantaasna ay go’aanno qaataan.

Jaamac Shabeel wuxuu kaloo intaas kudaray in golaha dhexe uu yahay hay’adda ugu sarraysa ee xisbiga oo uu ka sarreeyo guddiga fulinta isla mar ahaantaas ay isaga soo doorteen golahaasi, sidaas darteedna xilka qaadistiisu aanay ahayn mid sharciga waafaqsan uuna gadaal ka sheegi doono faahfaahinta arrintan la xidhiidha.

Guddoomiye ku xigeenka labaad ee xisbiga talada haya ee Kulmiye, Axmed Cabdi Dheere, ayaa maanta waxa uu sheegay in guddiga fulinta ee Xisbiga kulmiye uu xilkii guddoomiyenimada golaha dhexe iyo kii xubinnimada golahaas laga qaaday Jaamac Ismaaciil Cige oo ahaa guddoomiyaha golaha dhexe ee xisbiga talada haya ee Kulmiye, kadib markii golahaasi uu fadhi ku yeeshay xarunta dhexe ee xisbigaasi uu kulleyahay magaalada Hargaysa.

Guddoomiye ku xigeenka labaad ee xisbiga kulmiye, Axmed Cabdi Dheere, ayaa sababta xilka qaadistaan ku sheegay in guddoomiye Jaamac Ismaaciil Cige (Jaamac Shabeel) uu ka horyimid siyaasadda iyo xeerka xisbiga, isagoo ku kacay abaabul iyo kicin kadhan ah siyaasadda xisbiga iyo xukuumadda uu katirsan yahay, wuxuuna sheegay in marar badan uu adeegsaday warbaahinta oo uu eedaymo usoo jeediyey xukuumadda iyo xisbigaba.

Comments

comments

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.