Somaliland Oo Xaqiijisay Inay Soomaaliya Gudbisay Dacwad Ka Dhan Ah Socdaalkii Socdaalkii Wasiir Gavin

0
208 views
Somaliland Oo Xaqiijisay Inay Soomaaliya Gudbisay Dacwad Ka Dhan Ah Socdaalkii Socdaalkii Wasiir Gavin

Somaliland Oo Xaqiijisay Inay Soomaaliya Gudbisay Dacwad Ka Dhan Ah Socdaalkii Socdaalkii Wasiir Gavin

Hargeysa (Sayruuq)-Xukuumadda Somaliland ayaa xaqiijisay jiritaanka war uu dhawaan Geeska Afrika baahiyay oo ah inay dawladda Soomaaliya Ingiriiska u gudbisay dacwad ka dhan ah socdaalkii uu toddobaadkii hore Hargeysa ku yimid xoghayaha gaashaandhiga Ingiriiska Gavin Williamson.

Wasiirka arrimaha dibadda Somaliland Yaasiin Xaaji Maxamuud Faratoon, oo Geeska Afrika waraysi gaar ah siiyay ayaa sidoo kale wuxuu beeniyay inay dawladda Ingiriisku Somaliland weydiisatay saldhig milatari. Wasiir Faratoon oo ugu horayn ka jawaabaya waxa ka jira wararka sheegaya in Ingiriisku doonayo inuu saldhig milatari ka samaysto Somaliland, wuxuu yidhi “Saldhig Milatari oo uu Ingiriisku inaga doonayo si uu dalkeena uga samayso ma jirto, ma garanayo wararkaasi halkay ka yimaadeen.”
Warar kale oo Tafatiru kuu dooray:
Farmaajo & Khayre Oo Ka shiray Socdaalkii Wasiir Gavin
The Independent Oo Shaaciyay Sababta Wasiir Gavin U Baajiyay La Kulanka Farmaajo
Somaliland Oo Xaqiijisay In UK Saldhig Doonayo

Wasiirka oo la weydiiyay inay dawladda Soomaaliya dacwad ka gudbisay socdaalkii uu xoghayaha gaashaandhiga Ingiriisku ku yimid Somaliland, wuxuu yidhi “Way jirtaa Dacwadani,laakiin maaha Dacwad ay cid wax ku yeelayso Soomaaliya, waa iska hadal uun, Dawladda Soomaaliyana waxa dhaqan iyo caado ay ka dhigatay inay Somaliland daba socoto, laakiin waxba Somaliland ku yeeli mayso, waxbana inagaga qaadi mayso.”

Mar aanu wax ka weydiinay in Ingiriisku ergey gaar ah u soo magacaabay Somaliland, wuxuu wasiir Faratoon ku jawaabay, “Wax Safiira oo la inoo soo magacaabay oo aanu ognahay ma jiro, ee Inaga iyo Ingiriiska xidhiidh wanaagsan oo soo jireena ayaa inaga dhexeeya, si fiicana way inoo la shaqeeyaan, wax gaar ah se ma jiro, gabadhii inala shaqeeynaysay, ayaa la bedelay, oo qof kale ayaa lagu soo bedelay, awalna si fiican buu Ingiriisku inoola shaqeeynayey, waxaana ku rajo weynahay inuu xidhiidhkeena iyo wada shaqaynteenu inay sii socoto, oo ay intaas ka sii balaadhato”.
Xigasho:GEESKA

Comments

comments

Leave a Reply

This site uses Akismet to reduce spam. Learn how your comment data is processed.