Qunsulka Cusub Ee Ay Itoobiya U Soo Magacowday Somaliland Oo Soo Gaadhay Hargeysa

0
201 views
Qunsulka Cusub Ee Ay Itoobiya U Soo Magacowday Somaliland Oo Soo Gaadhay Hargeysa

Qunsulka Cusub Ee Ay Itoobiya U Soo Magacowday Somaliland Oo Soo Gaadhay Hargeysa

Hargeysa(Sayruuq)-Waxa shalay magaalada Hargeysa ee caasimadda Somaliland soo gaadhay qunsulka cusub ee ay dawladda Itoobiya u soo magacowday Somaliland danjire Shamsudiin Axmed Rooble.

Ma jiro wax war ah oo ay Wasaaradda arrimaha dibadda Somaliland iyo Qunsuliyada Itoobiya ka soo saareen imaanshaha danjirahan cusub, laakiin warar uu Geeska Afrika helay ayaa xaqiijiyay in danjire Shamsudiin uu shalay ka soo degay madaarka Cigaal ee Hargeysa.
Markabkii Ugu Weyna Oo Itoobiya U Raran Ayaa Ku Xidhay Jabuuti
toobiya Oo Raadinaysa Madaxii Sirdoonka
Qunsulka Ethiopia U Fadhiyay Somaliland Oo La Badlay
Ma jirin cid ka tirsan wasaaradda arrimaha dibadda Somaliland oo qunsulkan cusub ku soo dhawaysay madaarka Cigaal.

Danjire Shamsudiin ayaa bedeli doona qunsulkii hore ee Itoobiya Berhe Tesfaye oo muddo toban sannadood ah ahaa qunsulka Itoobiya u jooga Hargeysa.

Imaanshaha diblomaasigan cusub ee ay Itoobiya u soo dirtay Somaliland, ayaa wuxuu meesha ka saarayaa warar ay warbaahinta Soomaaliya muddooyinkii u dambeeyay baahin jirtay oo ahaa inay Itoobiya doonayso inay hoos u dhigto xidhiidhka ay Somaliland la leedahay, ka did markii ay u yeedhay qunsulkii hore Berhe Tesfaye.

Qunsulkan cusub ayaa ah diblomaasi sare oo Itoobiya safiir uga noqday dalalka Kenya iyo Djibouti, waxaanu ka mid yahay diblomaasiyiin tiro badan oo ay Itoobiya u magacowday safaaradaheeda iyo qunsuliyadeedaha dunida ku kala yaala.

xigasho:Geeska
Hargeysa-Somaliland
Sayruuqnew@gmail.com

Comments

comments

Leave a Reply

This site uses Akismet to reduce spam. Learn how your comment data is processed.