Muxuu Madaxweyne Biixi Uga Maagay Ceelafweyn

0
551 views
Madaxweyne Biixi Oo Wajahaya Afar Kooxood Oo Mucaarad Ah

Muxuu Madaxweyne Biixi Uga Maagay Ceelafweyn

Madaxweynaha Somaliland mudane Muuse Biixi Cabdi ayaa 26 June sheegay in uu hoggaamin doono ergada culus ee Ceelafweyn u tagaysa soo afjarida colaadda beelaha walaalaha halkaas ku dhexmaraysay sanadihii u dambeeyay laakiin, dib u dhac todobaad ah kadib waxa ergadaasi hoggaamiyay Madaxweyne xigeenka mudane Cabdiraxmaan Saylici.

Madaxweyne Biixi ayaa ka baaqday dhexdhexaadinta colaadda isaga culayska weyn ee siyaasadeed ku haysa waxaanay dad badan u arkaan in ay miisaan weyn yeelan lahayd haddii madaxweynuhu furo wada hadallada dhexmari doona beelaha walaalaha ah oo loo diray ergo culus oo haldoorkii Somaliland ah lagana qabo rajo weyn in ay ku guulaystaan soo afjarideeda.

Waxa kale oo aan la ogayn sababta ergadu muddo todobaad ah dib ugu dhacday iyada oo loo malaynayo in uu saamayn ku yeeshay shirweynaha beesha Garxajis uga soo dhammaaday Gacan Libaax oo qodobo ku culus madaxweyne Biixi ka soo baxeen kuwaas oo qaarkood taabanayeen colaadda Ceelafweyn laakiin, madaxtooyadu kama hadal isbedellada dhacay.

Bulshada Somaliland waxay rajo weyn ka qabta in ergada madaxweyne xigeenka Somaliland hoggaaminayo oo ay qayb ka yihiin culimo Sheekh Maxamed Cumar Dirir hoggaaminaya ku guulaystaan xallinta arrimaha ay isku hayaan labada beelood taas oo loo arko haddii ay dhammayn kari waayaan in mushkilad qoto dheeri ku dhex jirto labada beelood.

Comments

comments

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.