Milatariga Ethiopia Oo Ka Hadalay Xaaladda Jigjiga

0
504 views
Qodobka 39aad: Sharciyan Sida Dastuurka Itoobiya Uu Dawlad Qoomiyadeed Ugu Xaqsiin Karo Madaxbannaani.

Milatariga Ethiopia Oo Ka Hadalay Xaaladda Jigjiga
Dawladda Ethiopia ayaa sheegaysa in ciidamada militarigu ay qaadi doonaan dhammaan tallaabooyinka lagama maarmaanka ah si ay u ilaaliso nabadgelyada gobolka Soomaalida ee kuyaal Bariga dalkaas. Kadib markii iskudhacyo qawmiyadeed ay galaafteen nolosha ugu yaraan 10 qof.

Qawmiyadda Soomaalida ayaa weerartay dadka ka yimid qaybaha kale ee dalka waxayna bililiqaysteen dukaamo kadib markii ciidamada xukuumadda militariga dalkaas lasoo dhoobay magaalada Jigjiga.

Xukuumadda Itoobiya ayaa isku dayaysay in si aan sharci ahayn ay awoodda ugala wareegto masuuliyiinta deegaanka gobolka Soomaalida.
Ururka ONLF oo Dowlada Federalka Eedeeysay
Booliska rabshadaha ka hortaga oo la geeyay waddooyinka Jijiga
Xaalada Jigjiga oo Sii Xumaatay iyo Dagaal Toos ah oo bilawday
Balse daadguraynta ciidamada ee Jigjiga ayaa dhalisay jawaab caro ku dheehan tahay – ugu yaraan 10 qof ayaa ku dhintay markii la weeraray dadka aan kasoo jeedin qawmiyadda Soomaalida.

Kaniisad ayaa dab la qabadsiiyey dukaamana waa la bililiqaystay.

Loollanka awoodeed ee u dhexeeya dawladda Itoobiya iyo maamulka gobolka Soomaalida ayaa khatar ku ah in uu wiiqo barnaamijka isbadallada ee Raisul Wasaraha cusub Abiy Ahmed uu wado.

Dadka wax falanqeeya qaarkood ayaa sheegaya in xiisadda ay sii kicinayaan mucaarad ah si xooggan uga soo horjeeda siyaasaddiisa.

Kooxda mucaaradka ah ee ka hawlgasha gobolka Soomaalida, ee ONLF, ayaa ugu baaqday Raisul Wasaaraha in uu hakiyo dhaqdhaqaaqa militari uuna bilaabo hannaan nabadeed.
xigasho:BBC

Comments

comments

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.