Madaxweynaha Somaliland Oo Baaq Nabdeed Diray

0
196 views
Madaxweyne Biixi Oo Ergo U Diray Beesha Garxajis
Madaxweyne Muuse Biixi Cabdi

Hargeysa(Sayruuq)-War baaq nadbadeed ah oo uu soo saaray madaxweynaha jamhuuriaydda somaliland ayaa nuqul kamid ah waxaa uu soo gaadhay shabkadd wararka ee sayruuqnews.com ,baaqan oo ku jihaysnaa labbadda beelood ee waalalaha ee xurgufta ku dhex martay deeganadda goabalka sanaaga gaar ahaan Ceel-afweyn ayaa waxaa uu dhignaa sidan:-

Madaxweynaha Somaliland Oo Baaq Nabadeed U Diray Beelaha Dagaalku Ku Dhexmaray Maanta Degaanka Ceel-afweyn Ee Gobolka Sanaag Gaar Ahaan Degmada Darar-weyne.

Madaxweynaha Jamhuuriyadda Somaliland, Mudane Muuse Biixi Cabdi ayaa baaqaasi ku yidhi “Waxa aan ugu baaqayaa beelaha ku diriraya degaanka Ceel-afweyn ee Gobolka Sanaag, gaar ahaan Degmada Darar-weyne inay si deg-deg ah u joojiyaan colaadda soo noq-noqonaysa ee dhex taalla labada beelood ee walaalaha ah.

Mar labaad iyo mar saddexaadba waxaan idinku baaqayaa inaad colaadda damisaan oo aad Alle ka cabsataan, hoosna u eegtaan dhiiga bilaa micnaha aad u daadinaysaan ee aad agoomaha iyo goblanka kaga dhigaysaan hooyooyinka iyo caruurta, sideedaba dagaal wiil kuma dhasho ee wiilbaa ku dhinta. Dilka iyo dhiiga micno darada ku daadanayaana dadkeena kama go’o, ee wixii is maandhaaf ah ee jira waa in lagu dhammeeyaa is afgarad lanna tixgeliyaa nabadgelyada, is xaqdhawrka derisnimo ee wada noolaanshaha iyo degenaanshaha leh.

Warar Kale Oo Kuwan La Xidhiihd 

Muuse Biixi Nus Ahaan Waa Djibouti

Madaxweyne Biixi Iyo Madaxweyne Farmaajo Oo Khadka Telafoonka ku Wada Hdlay

Sidoo kale waxaan madaxda dhaqanka ee labada dhinac ugu baaqayaa inay sida ugu dhakhsaha badan uga hawl-galaan daminta colaaddaasi, una hoggaansamaan ciidamada amniga ee ku hawlan arrintaasi garab buuxana ku siiyaan sidii dagaalkaasi loo joojin lahaa.

Ugu danbayn waxaan tacsi u dirayaa dhamaanba ehelada dadkii ku naf waayey dagaalkaasi iyo guud ahaan shacbiga Somaliland, inta dhaawaca ahna waxaan Alle uga baryayaa caafimaad taama inuu siiyo. Waxaanan ku celinayaa baaqaygaasi nabadgelyada ah in loo hoggaansamo lanna joojiyo colaadda, anigoo madaxda dhaqanka, waxgaradka, waayeelka, aqoonyahanka iyo cid kasta oo u faro dhuudhuuban arrintaasina faraya inay ka hawlgalaan sidii loo xakamayn lahaa colaaddaasi ee loo joojin lahaa sida ugu dhakhsaha badan.

ALLAA MAHAD LEH

Naasir Yuusuf Daahir
Agaasimaha Waaxda Saxaafadda Madaxtooyada JSL.

 

Comments

comments

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.