Imaaraadka Oo Laba Jibaaraya Horumarinta Dekedda Berbera

0
520 views
Imaaraadka Oo Laba Jibaaraya Horumarinta Dekedda Berbera
Sawir hore

Imaaraadka Oo Laba Jibaaraya Horumarinta Dekedda Berbera

Dawlada Imaaraadka Carabta ayaa balan qaaday inay laba jibaarayso horumarinta maalgalinta dekeda Berbera si ay u noqoto dekeda ay isticmaali doonto dawlada Itoobiya iyo dalalka kale ee Afrika ee bilaa dekeda ah.

Wargeyska Indian Ocean ayaa cadadkiisii ugu danbeeyay qoray in 28-Jun-2018 ay magaalada Abu Dhabi kulan saddex geesood ah oo balaadhan ku yeesheen wasiirka arrimaha dibadda Somaliland Dr.Sacad CalI Shire iyo madaxda ugu saraysa shirkadda DP World Suldan Axmed Binu Suleym iyo ku xigeenkiisa iyo wakiilo ka socda dawladda Itoobiya oo ay metelaysay  shirkada dawlada Itoobiya ee Ethiopian Shipping & Logistics Services Enterprise (ESLSE).

Waxay saddexda dhinac isku raaceen in la kordhiyo horumarinta iyo maalgalinta dekeda Berbera, iyada oo halkaas agaasimaha DP world ku soo bandhigay mashruuc xarun balaadhin oo kayd ah ay DP World ka samaynayso gudaha Itoobiya, si ay xaruntaasi dalalka kale ee bilaa dekeda ah ee Afrika ugu noqoto suuq ay alaabtu uga sii gudubto.

Wargeysku wuxuu sheegay in dawladda Imaaraadka Carabtu ay balaadhinayso saamaynta ay ku leedahay gobalka Geeska Afrika, taasna ay doonayso in meelaha ay u marayso ay ka mid noqoto dekedda Berbera iyo Itoobiya oo ay isku xidho.

Wuxuu wargeysku soo xigtay kulamadii kala duwanaa ee ay bishii hore yeesheen raysalwasaaraha Itoobiya iyo madaxda dawladda Imaaraadka Carabta.

Ilaa bishii March ee sannadkan wuxuu wargeysku sheegay in Imaaraadka Carabtu diirada saareen  balaadhinta dekedda Berbera si ay u suurto gasho inay dekedani la wareegto suuqa ganacsi ee Itoobiya.

Imaaraadka ayaa u muuqda in uu ka gaashaamanayo suuqa xorta ah ee Jabuuti laga hirgeliyay iyo heshiisyada Itoobiya la galayso dekedaha gobolka sidaasna ay ku dardar galinayso kaalinta tartan ee dekedda Berbera.

Source: Geeska Afrika

Sayruuqnews

Hargeysa-Somaliland

Sayruuqnews@gmail.com

Comments

comments

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.