Diyaarad Lacag Ah Oo Madaarka Muqdisho Lagu Qabtay

0
699 views
Somalia Oo Ka Hadlay Malaayiin Doollar Oo La Qabtay

Diyaarad Lacag Ah Oo Madaarka Muqdisho Lagu Qabtay

Diyaarad lacag fara badan siday oo ka timid Imaaraadka Carabta ayaa lagu qabtay garoonka diyaaradaha Aadan Cadde ee Muqdisbo.

Saraakiil ka tirsan Safaaradda Imaaraadka Carabta ee Muqdisho ayaa ku sugan garoonka Muqdisho, kuwaasoo sugayay diyaarada, sida ay xaqiijinayaan wararka laga helayo garoonka Muqdisho.

Ciidamada ammaanka ee garoonka ayaa ka war helay in lacag sido diyaaradan, iyagoo ku amray in la baaro boorsooyinka, taasoo uu ka dhashay muran.

Ismaandhaaf ku aadan lacagtan ayaa ka taagan garoonka, iyadoo diyaaradda timid garoonka ay diiday in la baaro.

Wararka qaar ayaa sheegaya in qeyb ka mid ah lacagta loo wado Puntland, halka qeybta kalena u socoto Safaaradda Imaaraadka Carabta ee Muqdisho.

Mas’uuliyiin ka tirsan dowladda ayaa ku sii jeeda garoonka, kuwaasoo ku baxay is maandhaafka ka taagan diyaaradan lacagta lagu qabtay.

Ilo ku sugan garoonka ayaa ii xaqiijiyay in imaatinka diyaaradda lacagta siday laga war hayay, balse inta ay la egtahay lama oga cadadkeeda.

Waxaa laga cabsi qabaa in lacagtan loo adeegsado arrimo siyaasadeed, iyadoo maalmihii la soo dhaafay ay cirka isku shareertay xiisadda siyaasadeed ee ka taagan Muqdisho, kaasoo ka dhashay mooshinka laga keenay Guddoomiye Jawaari.

Source: Jowhar

Comments

comments

LEAVE A REPLY

Please enter your comment!
Please enter your name here